SHILLONG: Sonibar saloni Robibar salona konta 24-ni gisepo Meghalaya a·dok gimiko sak 3 manderang COVID-19 man·daptaiaha indiba ia konta 24-ni gisepo a·dok gimikon COVID man·e sigiparang dongtaijaha.
Konta 24-ni gisepo COVID-19 man·dapgipa sak 3 manderangko channe da·o Meghalaya a·dok gimiko COVID-19 man·e dongenggiparang gimik sak 64 gapengaha.
Konta 24-ni gisepo COVID man·gipa sak 3 manderang gimikan East Khasi Hills-o a·jao ong·a.
Ia apsan salon gimik sak 7 manderang Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 83,246 gapskaengaha.
Da·o dipet Meghalaya a·doko COVID-19 man·e sianggiparang gimik 1483 gapengaha.