EMRI-o kam ka·giparang Health Minister-ko grongea

GVK EMRI-ni contract-ko bon·ate 108 service-ko jako ra·china sorkariko didia

 

SHILLONG: Mongolbar salo GVK-EMRI 108 service-o kam ka·enggipa manderang, a·dokni Health Minister James PK Sangma-ko grongenba, an·tangtangni dormahako bariatchina aro GVK EMRI-ni contract-ko bon·atsrange 108 service-ko chu·gimik jako ra·china sorkariko didiangaha.

Health Minister-ko grongeani ja·mano kobor ra·timgipa manderang baksa agangrikengon, uamangni health minister-ko gronge agangrikaniara chu·sokgipa ong·aha maina ua aro sorkari uamangni dabianirangko nienga aro da·o dipet 108 service-ko kam ka·enggipa manderang komiesa dormaharangko man·engani gimin kam ka·giparangni dormahako bariatchina gita sorkari, GVK-EMRI-na tangka paisarangko on·dapataha ine Health Minister aganaha ine Meghalaya EMRI Workers Union-ni president M Syiemlieh parakataha.

“Chinga sorkarini ku·rachakaniko ra·chakenga aro chinga an·tangtangni kamrangko naljokatna gita sorkarini manchianirango bakrimna kusi ong·enga. Jeko sorkari ja·ku de·na manchia chinga uko ra·chakna kusi ong·aigen. Chinga pilakan kamo changgimin ong·e chingni kamrang naljokao ong·gen ine chinga ka·dongenga,” ine Syiemlieh aganaha.

Syiemlieh-ni parakatani gitade, GVK-EMRI-ni contract da·o re·baenggipa March 31 tarikon bon·engahani gimin sorkari, GVK-ni chu·gimik contract-ko ra·pilgnok ineba Health Minister, uamangna ku·rachakaniko on·ataha.

Meghalaya a·doko 108 service-o kam ka·enggipa manderang kamrangko ka·gija jingjengatengani a·sel 108-ni kamrang bon·chongdikatako man·engahani gimin kamrangko a·bachengatna man·jagenchimode GVK-EMRI-ko ra·galna gita adita salrangna skangsan sorkari mikrakataniko on·angahachim.

Get real time updates directly on your device, subscribe now.

Comments are closed.