Baghmara hospital-na rikdapenggipa nokko rikanio ja·manchakenga

TURA: South Garo Hills a·jani Baghmara Civil Hospital-na rikdapenggipa nokko rikanio ja·manchakenga ine nikna man·aha.
Bristibar salo, Meghalaya a·dokni Chief Minister Conrad K Sangma, an·tangan ia hospital-na rikdapenggipa nokko nina re·ange ia nokko rikanio namen ka·sinengani gimin suk ong·gijaniko parakataha.
Baghmara Civil Hospital-o building-ko rikdapna gita re·anggipa 2020 bilsini February jaon, a·dokni Chief Minister-ni jakchi pangchakanikoba songe on·angahachim indiba Bristibar salo uni ia biapona re·ange nion, da·onan krongmangmangba matchotgija dongako ua nikeahachim.
Ia hospital-na rikdapenggipa nokko rikanio kamrang ka·sinengani gimin an·tangni suk ong·gijaniko parakatengon, kamrangko ta·rakatchina gitaba ua department-ni official-rangna ge·etaniko on·angaha.