Gitcham IAS officer-ko HNLC-ni palo agangrikna seoka

SHILLONG: A·doko bobil dake chakatgipa champengako man·gipa Hynniewtrep National Liberation Council (HNLC) dolni palo, jean tom·tomanina agangrikna re·bana gita tariengachim, uamangni palo aganchakna gita Meghalaya sorkari retired IAS office Peter S. Dkhar-ko seokaha ine Home Minister Lahkmen Rymbui Bristibaro aganaha.
Dkhar-na, gitcham Intelligence Bureau (IB) special director Akshaya Kumar Mishra dakchakgen, jean Union Ministry of Home Affairs (North East)-o advisor ong·enga aro Naga-ni tom·tomanina agangrikanioba ua agangrikdilgipa ong·enga.
Agangrikaniko chu·sokatna gita Mishra, Ma·mong aro a·dok sorkari baksa bakrime kamrangko ka·enga ineba Rymbui aganaha.
Indiani Constitution-ni ning·o tarigimin niam aino pangchake, champengako man·gipa HNLC bobil dol, tom·tomanina agangrikna re·bana gita uamangni skaniko Meghalaya sorkarina seatahachim.

Get real time updates directly on your device, subscribe now.

Comments are closed.