SHILLONG: Meghalaya a·dokni dam 11 a·jarangna women police station-rangko sorkari on·manaha ine Budbar salo, a·dokni Home Minister Lahkmen Rymbui parakataha.
Assembly-ni budget session-o Mawlai-ni MLA PT Sawkmie-ni sing·anina aganchakaniko on·angengon, a·dokni dam 11 a·jarangna 2018 bilsion women police station-rangko on·manaha ine Home Minister parakataha.
Home Minister-ni parakatani gitade, a·dokni dam 12-gipa Eastern West Khasi Hills a·janade da·o dipet women police station-ko on·kujaenga aro somoi ong·ahaon proposal-ko on·anggen.
Home department aro Social Welfare department-ni gisepo gisikni gita aro ainni gita dakchakanirangko nangenggipa manderangna dakchakanirangko on·engama ine Umroi-ni MLA George Lyngdoh-ni sing·anina aganchakaniko on·angskaengon, iandakgipa manderangna sorkari nangani kri dakchakanirangko on·enga ine Home Minister parakataha.