NEW DELHI: Coronavirus man · anirang komiangako nie nike sabisi sachakatao-ni uamangni champeng-atani bilsi gni ja · mano March 31-oni pilak Covid-19-na champengatani-rangko bon · atna home ministry chanchiaha.
Maibakai skango jedake ong · a mask ganani aro saksa sakgipinoni chel · -tanggrike dongani niam-rang ong · angkugen.
A · songo covid-19-ni champengatani Disaster Management Act, (DM Act) 2005-ni ning · o skanggipa changna hukum aro ge · etanirangko ma · mong sorkari March 24 2020-o on · aha aro uarangko bang · a changrangna taridapaha.
Silver a · dokrangni chief secretary-rang baksa agangrike batanggimin ja 24-o sabisina champengna bang · a cholrangko dakaha ine Union Home Secretary Ajay Bhalla aganaha.
Aroba manderang da · o covid-ni kragipa bewal-rangni gimin namen mikrak-simsakaha, ua aganaha.
A · dokrang aro Union Territory-rang an · tang-tangon champengna chu · onga gita bilrang dongaha, agandapaha. A · songo March 22-o saa donga gimik 23,913-san ong · aiaha aro salanti positivity rate 0.28 per cent ong · aiaha, ua aganaha.
