TURA: Tura Civil Hospital-na ia 2021-22 bilsini National Kayakalp aro Eco Friendly Health Facility award-ko National Health Mission-ni ning·o on·aha.
Tura Civil Hospital-na National Kayakalp-ni District Award-ko on·aha aro ia award-ni ning·o ia hospital-na gong lak 50 tangkarangko boksis dake on·aha. Ia hospital-na Eco Friendly Health Facility Award-koba on·ahani gimin ia award-ni ning·o gong lak 30 tangkarangkoba boksis dake on·aha.
A·doko nambatgipa primary health centre-rangna award-ko on·anio West Garo Hills a·jani Rongram block ning·o donggipa Babadam primary health centre (PHC)-ba seokako man·aha. Ia PHC-ko Father Sunny-ni dilenggipa Bakdil NGO-chi chalaiengachim ine nikna man·a.
