BAGHMARA: Budbar salo, South Garo Hills District Administration-ni gita Self Help Group (SHG) Mela aro Financial Literacy Camp-ko Baghmara Bazar-o ong·atangaha.
Ia SHG Mela-ko Rongara-Siju constituency-ni MLA Rakkam A Sangma, do·ga oe on·angaha aro ia mela-ko do·ga oe on·angani somoio ua jinmana aganprakengon, an·tangtangni janggi tangani gadangko tang·doatna gita sorkarini on·enggipa cholrangko ra·china SHG-rangko aro jolo songdongenggipa manderangko didiangaha.
Ia program-ko ong·atanio loan ge·gittamko Meghalaya Rural Bank-ni gita aro loan ge 19-ko MCAB-ni gita sanction ka·e on·angjolaha.
Ia program-ko ong·atanio dol 12 village organisation (VO)-rangna gong lak 34-ni Community Investment Fund-rangko aro dol 42 SHG-rangna gong lak 6.30-ni cheque-rangkoba suale on·angjolaha.
Ia SHG Mela aro Financial Literacy Camp-ko ong·atanio MHIS aro Aadhar-na biming segatanirangkoba dakangaha.
