BAGHMARA: World Environment Week-ko maniani bak gita, Meghalaya a·dokni Forest & Environment Minister James PK Sangma, South Garo Hills a·jani Chokpot Bandaregre songo donggipa Hydro Power Energy-ko a·bachengate on·angan baksana ia kolko chalaie mesokangaha.
Ia Hydro Power Energy-ko a·bachengate on·angani somoio a·dokni Forest Minister, jinmana aganprakangengon, Bandaregre songo songe on·gipa ia hydrogen unit ba Turbine unit-ni namgnirangko jinmana talate on·angenba, songni manderang ia Hydro Power Energy-ko name jakkalgenchimode ian songni manderangna namen jakkaltobegipa kol ong·gen ine parakangaha.
Meghalaya a·dokni dingtang dingtang biaprango gimik dam 200 hydrogen power unit-rangko songe on·aha aro ia dam 200-oni dam 10-kode Chokpot jolo songaha ineba Sangma parakataha.
Songo noko bijoliko man·na gita ia kolko name jakkalchina gitaba ua songni manderangko didiangaha.
World Environment Day-ni gimin talataniko on·angengon, samtangtango ong·telaigiparangko name nirok sandichina aro an·tangtangna dongtogipa a·gilsakko ong·atchina gita Forest Minister, jolo songdongenggipa manderangko didiangaha.
Samtangtango donggipa buring bolgrim, chiring chibisik aro do·o matrangko ripinge rakkichina gitaba Sangma didiangaha.
