SHILLONG: Mawdiang-diang-o rikenggipa Shillong International Centre for Performing Arts and Culture (SICPAC)-ko ia bilsini November jao matchotna sorkari nisanko donaha.
Koborni gitade, SICPAC-ko rikanio 98 percent kamde matchotjok aro chu·gimik matchotsrangna somoi nangjawajok. Da·o stagecraft, sound aro light-o kamko ka·kuenga.
Indake ong·engon project-ko matchotna adita bilsi-rang ru·utgenchimoba dongimin budget-on chu·-gimik kamko matchotgen, sorkari tangkako on·dapna nangjawa.
Ma·mong sorkarini PSU Hindustan Steelworks Company Ltd, ia project-ko nirokenga. Jekon Non-Lapsable Centreal Poll of Resources-ni gita tangkako chamataha. Ia project-ni chu·gimik damara kror 151 ong·a. Ma·mong sorkarioni kror 136.20 aro a·dokoni kror 15.13-ko donaha.
SICPAC-o sak 1,750 na chakgipa multi-purpose theatre, aro sak 15,000 seat-ni open-air theatre unbaksana parking space donggen. Ia project-ko bilsi 2014 March 27 tariko sanction ka·aha aro bilsi 2015 February 25 tariko ia contract-ko man·soaha.
Uandake SICPAC-o performance space, banquet hall, international guest house aro international convention centre-rangba donggen. Una agreba art gallery, tribal museum, banquet hall, office space, media centre, food court, fire-fighting-prevention system, rainwater harvesting system aro gipinrang donga.
