Tura: (UNI) Sonibar salo Garo Labor Corps Day-ko West Garo Hills district headquater-o maniao, First World War-o dakgrikna France-ona re·anggipa ka·dongrakgipa a·chik manderangko gisik ra·ate uamangna mande ra·aniko dakangaha.
West Garo Hills-ni deputy commissioner, Tura Swapnil Tembe, superintendent of police, VS Rathore, chairman, Tura Municipal Board, JD Sangma, chief executive officer, Tura Municipal Board, Rikse R Marak, gipin official-rang, Tura Municipal Board (TMB)-ni staff aro gipinrang tom·anio bak ra·angaha.
Garo Labor Corps Day-ko pangna bilsian Garo Labour Corps-ni memborrangko mande ra·na gita manironga. Uamang 69th Garo Labour Corps-ni gita 1st World War dakgrikna gita France-ona re·angaha.
Uamangko gisik ra·na aro mande ra·aniko dakna gita pangna bilsian Garo Labour Corps Day-ko manironga, apsan daken ia bilsiba Tura Babupara Cenotaph-o sianggipa sipairangko mande ra·na gita salami-ko dakaha aro pulrangko donaha.
District Polie aro 2nd MLP Battalion, Goeragre, salutaion-ko ba salamiko on·angaha. Aro ka·dongrakgipa A·chik manderangko gisik ra·na minit gni somoina jrip dongaha.
Tom·anio TMB-ni assistant engineer Cheyziel A Sangma, Garo Labour Corps Day-ni gimin aganprakangaha.
