SHILLONG: United Democratic Party (UDP), bilakbatroroenga aro mikkang bilsi 2023 Assembly poll-o chetelgen ine party-ni General Secretary, Jemino Mathoh aganaha.
“A·doko politics-ni obosta ba tang·doaniko niatgenchimode UDP, skangna bate bilakbatroroenga, gipin dolrangoni dilgiparangba bakrimenga, ian UDP-ni tang·doaniko mesoka, ine Mawthoh aganaha.
Minggipin party, dingtang dingtang constituency-rangna namgipa aro a·dokko dilna kragipa candidate-ko sandienga. Party namgipa dilgiparangni teamko nangnikenga, jedakode a·dokni tang·doanina apsan ong·e re·mikkangna man·gen ine UDP General Secretary aganaha.
‘Party, a·dokni manderangna namgnina kamko ka·na miksonge re·mikkanga. Meghalaya a·dok chu·gimikko niatgenchimode, a·dok namen tang·doaha indiba mitam jolrang neng·nikanirang dongkuenga, uni gimin a·dokni gimik jolrangko ra·dona party, kam ka·enga.’
Uandake poll-na skang gipin dol baksa bakrimani gimin janapatengon, “da·odipetde iani gimin party level-o agangrika dongkujaenga” ine parakataha.
“Chinga Regional Democratic Alliance-ni banner-o HSPDP baksasan bakrimgen aro gipin dolrang maidake kam ka·a ka·ja iako nichengna nanggen ineba agandapaha.
