TURA: South Garo Hills a·jani Chokpot jolo donggipa dam 20 songrangna bijoli sale on·aniko ta·raken matchotatchina aro ia kamko matchotgija galchipe donahani gimin am·sandianirangko dakna gita commission-ko songe on·china Garo Hills Autonomous District Council (GHADC)-ni deputy chief executive membor aro Rongrikkimgre-ni MDC Nikman Ch Marak dabiangaha.
Iani bidingo a·dokni Deputy Chief Minister aro Power Minister Prestone Tynsong-na sedoatengon, ia songrango 2010 bilsionin bijolirangko sale on·na a·bachengatahachim indiba bilsi 12-na kamrangko matchotgija galchipe donaha ine Marak, an·tangni suk ong·gijaniko parakataha.
Rongrikkimgre MDC-ni parakatani gitade, Chokpot jolo donggipa Daji Adugre, Daji Boldakgre, Daji Rongkuakgre, Rongbinggre, Waro Songgitcham, Bugakolgre, Sangma Matchok, Nokwatgre, Ganggugri, Kalbanggre, Rongmigre, Nekalpagre, Rongrugre, Chiringmagre, Rongasigre aro uandakgipa songrangode da·onan bijolirangko man·tokkujaengachim.
Ia songrango ta·raken bijoliko sale on·china didiatengon, ia kamko galchipe donahani gimin am·sandianirangko dakenba nanga gita ja·kurangko de·china GHADC-ni Deputy CEM, a·dokni Power Minister-ko didiataha.
Chokpot jolni dam 20 songrangna bijoli on·aniko matchotatchina Nikman dabia
Date:
Share post:
