WILLIAMNAGAR: East Garo Hills a·jao MBOSE-ni Higher Secondary School Leaving Certificate (HSSLC) porikkako sena sienggipa chatro chatrirangna East Garo Hills District Administration-ni gita maming tangka paisa nangani gri coaching class-rangko indin on·enga ine kobor on·aha.
Koborko on·ani gitade, ia coaching class-rangko Ramsang College-ni gita Williamnagar-ni Rongrenggre Public School aro Dambo Rongjeng-ni Mangsang Higher Secondary School-o ong·atenga.
Mangsang Higher Secondary School-ode ia coaching class-ko a·bachengataha aro Rongrenggre Public School-oba bakan a·bachengatgnok ine u·iataha.
Indake ong·engon, ia coaching class-ko indin chatro chatrirangna on·enganichi HSSLC porikkani result-ko nambatatna man·gen ine East Garo Hills a·jani Deputy Commissioner Jagdish Chelani, an·tangni ka·dongchakenganiko parakatenba, ia cholko ra·e coaching class-o skie ra·china East Garo Hills a·jani chatro chatrirangko didiataha.
Iandake chatro chatrirangna cholko on·engani gimin ua Mangsang Higher Secondary School aro Rongrenggre Public School-ni principal-rangkoba mittelpilataha.
EGH-o HSSLC porikka sena sienggiparangna indin coaching class-ko on·enga
Date:
Share post:
