Friday, July 11, 2025
spot_img

Contractual skigiparang Secretariat-ona napdraange jingjengatna jotton ka·a

Date:

Share post:

spot_imgspot_img

SHILLONG: Kamoniko ra·gala man·gipa contractual skigiparangko kamo ra·pilchina gita dabie jasana jingjengatani ja·man Bristibar salo Meghalaya Government Lower Primary School Contractual Teachers Association (MGLPSCTA)-ni ning·o donggipa skigiparang, Shillong songjinmani Main Secretariat Building-ona napdraange jingjengat-skana jotton ka·ahachim indiba skigiparangni Secretariat-ona napdraangna jotton ka·aniko police-rang, tear gas-rangko godape champengsoskaaha.
Main Secretariat Building-o jingjengataniko champengna East Khasi Hills a·jani district administration, Section 144 CrPC-ko ra·gatahachim aro iandake dongimin niamko manigija skigiparangni Secretariat-ona napdraangna jotton ka·aniko cham-pengna police-rang tear gas-rangko godapaha.
Skigiparang baksana uamangni bi·sarang aro nokni manderangba dong-paachim indiba skigipa-rangni Secretariat-ona napdraangna jotton ka·on police-rang, tear gas-rangko godapsoaha.
Ua somoio skigipa-rangko champengsona gita me·chik police-rangba dongjachim aro me·asa police-rangkosan donaiaha-chim.
Ia contractual skigi-parang, re·anggipa September 7 tarikonin Main Secretariat sambao asonge jingjengatengachim indiba Secretariat Hills-o Section 144 CrPC-ko ra·gatahani gimin skigiparangko district administration Secretariat sambao jingjengatna on·jahachim.
MGLPSCTA-ni president Birbor Riangtem-ni kobor ra·timgiparangna parakatani gitade, skigip-arangko gitcham sorkaride 45 percent gape, nanggipa niamko chu·sokatchina gita Higher Secondary porikkako setaina aro Elementary Education-ni Diploma-ko dakna cholko on·ahachim indiba da·o NPP-chi dilenggipa MDA sorkaride, uamangko ra·gal-srangenba MTET pass ka·gipa skigiparangkosa uamangni biapo rakki-skaahani gimin uamang sorkarini kosako jegale jingjengatanirangko dakengachim.
Gipin a·dokrangode contractual skigiparangko-ba apsan dakgipa porikka-rangko ra·ani ja·man, skigi-pani kamo rakkijringtoka-chim aro porikkako chu·-sokgijagiparangkoba contractual skigipani kamko ka·na cholko on·kuachim ineba ua parakataha.
National Council for Teacher Education (NCTE) 2010-ni niam gitade, Class I-oni Class VIII-ona skigipani kamko ka·na gita komibeoba skigiparang TET-ko pass ka·na nangachim.
2020 bilsio Meghalaya sorkarini skigiparangna MTET-ko a·bachengatani somoio mitam skigipa-rangde bilsi 10 batpile kamrangko ka·sotokenga-hachim indiba MTET pass ka·gijagipa sak 800 skigi-parangko a·dok sorkari, 2021 bilsini January jao kam bon·attokahachim.
Indake ong·engon, bi·sarang aro me·chikrang donggenchimoba skatang tear gas-ko godapahani gimin State Commission for Protection of Child Rights (SCPCR)-ni Chairperson Iohmon Syiem, iani bidingo nanga gita ja·kurangko de·na report-ko bi·ataha ine parakataha.
Tear gas-rangko goda-panichi bi·sarangna ma-ming a·sel ong·jana gita report-rangko man·ahaona SCPCR nanga gita ja·ku-rangko de·anggen ineba commission-ni Chairperson parakataha.

spot_imgspot_img

Related articles

22 Maoists, including eight females, surrender in Chhattisgarh

Raipur, July 11: In a significant development in Chhattisgarh's Narayanpur district, 22 Maoists laid down their arms on...

BJP looting land, forest, water: Rahul Gandhi at ‘save Constitution’ rally in Odisha

Bhubaneswar, July 11: Congress leader Rahul Gandhi on Friday targeted the BJP, alleging that the ruling party has...

Centre plans Rs 1,345 crore subsidy scheme to boost production of Rare Earth magnets

New Delhi, July 11: The Indian government has drawn up a scheme to offer subsidies to the tune...

We missed no targets in Pak, not even a glass pane broken in India: NSA Doval on Op Sindoor

New Delhi, July 11: National Security Advisor (NSA) Ajit Doval on Friday addressed the convocation ceremony at IIT...