SHILLONG: Ia bilsio Mawkynrew constituency-oni election-o susana gita parakatgipa Congress-ni candidate Kansing Lyngshiang, Sonibar salo, NPP-o napangskaha, indake uko NPP-ni official candidate parakataha.
“Mawkynrew Constituency-o National People’s Party-ko dal·bee rimchaksoaha aro chinga chingni candidate Sh. Kansing Lyngshiang-ko rimchaksoa’ ine Chief Minister aro NPP dilgipa Conrad Sangma, aganaha.
Minggipin Bahduh Kansing-ko jolni manderang namniktoka aro unan chaktokgen, uni dilanio constituency tang·dogen ine NPP president aganaha.
“Anga uni gimik supporter-rangkoba NPP-o rimchaksoa. Apsan ong·e Mawkynrew constituency-ni manderangni namgnina kam ka·anggen, pilakkon mittelna sika.”
Ia bilsi May jaosan Mawkynrew Block Congress Committee (MBCC), Kansing Lyngshiang-ko mikkang bilsi 2023 assembly election-na party-ni candidate parakatahachim aro uko covid sajinmani somoio songsalna dangdike on·anina de·mittelangaha.
Indiba, Kansing Kyngshiang, Congress party-oni ong·kate National People’s Party-o napskaha. Lyngshiang, mikkang bilsini election-o PDF legislator aro cabinet minister Banteidor Lyngdoh baksa susagrikgen.
