TURA: All Garo Hills PMGSY Contractors, Union gita ranggitik, November 3 tariko nanganirangko chanchina gita tom·aniko ong·ataha ine parakataha.
Tom·anio kamko matchotatna gita somoi sorkarini somoi on·ani, tangkarangko gamgijani, NQM aro SQM-rangni am·sandie niani aro mikkangchi kam ka·gnirangni gimin chanchianiko dakaha. Indake, September 30 tarikon, World Bank-ni gita tangkarangko on·aniko dontongataha aro iarangni a·selan kam ka·na nangkuenggiparangko matchotatna gita tangkarangko man·jaengani a·sel, contracter-rang jajrenganiko man·enga ine aganangaha.
Indake kamrangko ka·na gita gipin cholrangchimangba tangkarangko man·jaengani a·sel, kam ka·giminna tangka jakkalanirangko man·pilna gita ka·donganirang dongjaenga. Ia obostarangni a·selan haida mittam biaprango kam ka·anirangkode matchotatna man·ingjanaba donga aro ia obostarangko namatpilja dipetde haida mittam biapo kam ka·anirangko dontongatna nangnaba donga.
Tangkarangko somoi gita man·jaani a·selan, contractor-rang, kam ka·anirangko matchotatna on·gimin somoirangona sokdona man·janaba donga ba kam ka·aniko dontongatsrangna agananirangko man·enga gimin contractor-rang namen neng·nikanirangko man·enga. Unbaksana, National Quality Monitor (NQM) aro State Quality Monitor (SQM)-ni gita kam ka·aniko salanti re·e niani a·sel, contractor-rang neng·nikaniko man·enga.
Uni gimin, uamangni neng·nikanirangko a·dok sorkarini gita nie kam ka·e namatna gita dakchakchina aro manderangba chakchike senganirangko dakpachina, ine uamang mol·molan baksa agananiko dakangaha.
