TURA: Re·anggipa Budbar salo, West Garo Hills a·jani ICAR-KVK-ni gita Farmers Training aro Farm Trial-ko West Garo Hills a·jani Aminda Simsang songo ong·atangaha aro ia program-ko ong·atanio sak 32 game ge·e cha·gipa me·chikrang bakko ra·angtokaha.
Ia training program-ko ong·atanio West Garo Hills KVK-ni Dr Sagarika Borah, program-o bak ra·gipa me·chikrangna, te·rik biaprangoniko wakrangna al tariani bidingo skie on·angaha.
Ia program-ko ong·atanio Dr Borah, game ge·e aro wakrangko jile cha·enggipa me·chikrangna agan-skie on·angengon, te·rik bipangrangara mitimrang donggipa ong·e wakrangna namgipa cha·anirang ong·a aro iako pilak biaprangon man·ramramaiani gimin manderang, wakna alko tarianio bang·e koros nangja ine parakangaha.
Ia training program-o bak ra·gipa manderangara, Gambegre block-ni ning·o donggipa dingtang dingtang songrangoni ong·achim.
