Shillong Literary Festival-ko a·dokni CM a·bachengate on·anga

SHILLONG: Sombar salo a·dokni Chief Minister Conrad K Sangma, gnigipa Shillong Literary Festival-ko Shillong songjinmani Ward’s Lake-o a·bachengate on·angaha.

Ia Shillong Literary Festival-ko Shillong Cherry Blossom Festival 2022-ni bak gita ong·atengachim.

Ia Shillong Literary Festival-ko a·bachengate on·anganio a·dokni Chief Minister, jinmana aganprakangengon, Shillong songjinmani Ward’s Lake-o nitobegipa Cherry bolrangni bibalenganichi, ia Literary Festival-o bak ra·gipa manderangni chanchirimanirangko mikkim dongbatatna sienga ine parakangaha.

“Meghalaya a·dok aro uni nitoanian, ia salgittamna ong·atenggipa Shillong Cherry Blossom Literary Festival-ona dingtang dingtang biaprangoni re·bae bak ra·enggipa dingtang dingtang poedo serakgipa, ki·tap serakgipa aro golpo serakgipa manderangko muni nangatchongmotgen. Anga bebera·a, Shillong songjinma aro Shillong songjinmao songdongenggipa manderangni nitoanian ia festival-o bak ra·enggipa manderangni jakni kamrangko namdapatna dakchakgen,” ineba Sangma aganaha.

Mikkangchiba iandakgipa didiani golporangko knaangkuna ka·dongsoenga ineba ua aganaha.

Ia gnigipa Shillong Literary Festival-ko a·bachengatanio, Padma Shree upattiko man·gipa Prof Badaplin War, jawilwat tarigipa aro golpo serakgipa Sanjoy Hazarika, Meghalaya Tourism-ni official-rang aro chatro chatrirangba dongpae bakko ra·angtokaha.