Friday, April 19, 2024
spot_img

WJH-o Assam police-rangni goanichi M’laya-ni sak 5-ko man·chape gimik sak 6 sia

Date:

Share post:

spot_img
spot_img

SHILLONG: Mongolbar pringo, West Jaintia Hills a·jani Mukroh songo, Assam police-rangni skatang goanichi Meghalaya a·dokni mande sakbongako man·chape gimik sakdok manderang sina gita nangaha. Sianggipa manderangoni saksade Assam a·dokni forest guard ong·achim.

Koborko on·ani gitade, Mongolbar pringwalo, Assam-ni Forest guard-rang, Assam police-rang baksa nangrime bol salgipa truck gariko rim·e ja·mano ia gariko Mukroh songona re·angahachim. Ia gariko rim·ani bidingo koborko man·soani ja·mano jolni manderang, Assam-ni police-rangko aro forest guard-rangko jinma champengsoon, Assam police-rang, songni manderangko katatna gita goahachim indiba police-rangni iandake goanichi Meghalaya a·dokni ning·o donggipa mande sakbongaba so·otako man·aha.

Ia a·sel ong·anio Assam-ni forest guard saksaba so·otako man·aha aro uandaken a·sel ong·anio sianggiparang gimik sakdok gapaha ine kobor on·aha.

Assam police-rangni goanio bang·a manderangba saknaanirangko man·aha aro uamangko ja·mano sanna gita Barato PHC aro Ialong Civil Hospital-ona ra·angaha ine kobor on·aha.

Ia a·sel ong·anio sianggipa Meghalaya a·dokni sakbonga manderangara, Thal Shadap, Nikhasi Dhar, Sik Talang, Tal Nartiang aro Chirup Sumer ong·achim ine kobor on·timgiparang parakataha.

Ia a·sel ong·ani ja·mano, a·dokni Chief Minister Conrad K Sangma, tanggitik tom·aniko ong·atangenba, sianggipa mande sakprakni nokdangna gong lak 5 ka·e compensation-ko on·na parakataha.

“Assam police aro Assam forest guard-rangni goanio sakdok manderang janggitangtangko gimaatna nangaha aro ia sakdok manderangoni sakbongade Meghalaya a·dokni aro saksade Assam-ni forest guard ong·achim. A·sel ong·anio sianggipa manderangni nokdangrangna anga kalimpaaniko on·enga aro iandake Meghalaya a·dok ning·o nape Assam police aro Assam forest guard-rangni goaniko anga raken jegalenga. Kakket bichalko ra·bana gita Meghalaya sorkari pilak nanga ja·kurangko de·gen,” ine ia a·sel ong·ani ja·mano a·dokni Chief Minister Conrad Sangma parakataha.

Ia a·sel ong·gipa biapona a·dokni Home Minister Lahkmen Rymbui re·angaha aro ia a·selni bidingo Meghalaya Police-ni gita mokordomako ka·aha ineba kobor on·aha.

spot_img
spot_img

Related articles

Can’t risk paralysis just to get bail: CM Kejriwal to Delhi court on ED’s allegations of deliberately increasing sugar levels

New Delhi, April 19: Delhi Chief Minister, Arvind Kejriwal, on Friday accused the ED of misrepresenting the diet...

UK urges ‘de-escalation’ after reported Israeli strike on Iran

London, April 19: The British government is stressing the need for “de-escalation and moderation” amid reports of a...

BJP expecting its ‘best show in South’ on back of PM Modi’s popularity, says HM Amit Shah

New Delhi, April 19 (IANS) As the first phase of General Elections began for 102 Lok Sabha constituencies...

Tripura: Around 34 pc voter turnout recorded in simultaneous polls

Agartala, April 19:  The polling percentage in Tripura till 11 a.m. was 34.6 per cent for Tripura West...