Sunday, April 20, 2025

M’laya-o gipin jatrang kene janggi tangna nangani dongja: Saleng

Date:

Share post:

SHILLONG: Meghalaya a·doko Tribal ong·gijagipa manderang kenchipchipe janggi tangna nangani katta dongja aro da·o dipet ua gipin jatrangni kene janggi tanganiko nika dongkuja ine Budbar salo Gambegre-ni MLA aro Meghalaya Tourism Development Corporation (MTDC)-ni chairman Saleng A Sangma parakataha.

Adita salrangna skang, a·doko so·sojengjeng ong·angani ja·man, gipin biaprangoni re·bagipa tourist-rang Meghalaya a·dokoni katangpilani a·sel Tourism-ni kamrango nangchakeaniko man·na nangengani gimin MTDC-ni chairman ia kattarangko aganaha.

Sangma-ni parakatani gitade, Mukroh songo ong·anggipa a·sel aro uni ja·man ong·anggipa a·selrangara namen ong·nanggija a·selrang ong·achim indiba songsalantion iandake so·sojengjeng ong·ataniko ra·bana jotton ka·gipa dol aro manderangde dongrongaiachim.

“Meghalaya a·dokona re·baenggipa Assam-ni garirangko chingade champengsoa dongjachim indiba Assam sorkarisa Meghalaya a·dokona re·bagipa garirangko champengaha,” ine Sangma aganenba, adita antirangna skang Shillong songjinmao so·sojengjeng ong·atgipa manderangni kosako sorkari, rakgipa ja·kurangko de·na nangachim ine parakataha.

Meghalaya a·doko gipin jatrangni kenchipchipe dongako ua an·tangde nika dongkuja ine janapatengon, Shillong songjinmaoba gipin jatrang, gipinrang gitan tom·tomao janggi tangtokpaenga ine Nationalist Congress Party (NCP)-ni state president parakataha.

“Tribal ong·gijagipa manderangni Golf Course-ona re·anganirangko, cafe-rangona re·anganirangko aro Sohra-onaba re·ange an·senge roanirangkosa anga nikronga,” ine Sangma aganaha.

Shillong songjinmao gipin biapni manderangna naljokani dongjaha ine a·dokona re·bajachina social media-rango seatenggipani gimin sing·on, iandakgipa dolrangde manderangni gisiko kenjagokataniko ra·bana jotton ka·enggiparangsan ong·aia ine Sangma parakataha.

“Gipin a·dokrangoba iandake changsa changgni a·sel ong·anirangkode nikna man·rongaia indiba ianode an·ching gunda dakgipa dolrangde dongkuja,” ine Sangma aganaha.

Related articles

Karnataka sacred thread row: PU College Principal, staff suspended

Bengaluru, April 20:Principal and staff of Sai Spoorthi Pre-University College in Karnataka's Bidar district were suspended after a...

Delhi govt to flag-off 1,111 GPS-enabled water tankers for summer

New Delhi, April 20: In a major move to tackle the water needs of Delhi during the peak...

‘Not election commissioner, but Muslim commissioner’, Nishikant Dubey attacks ex-CEC Quraishi

New Delhi, April 20 : BJP Lok Sabha member Nishikant Dubey has launched a scathing attack on the...

PM Modi extends birthday wishes to ‘good friend’ Andhra CM Naidu

New Delhi, April 20 :Prime Minister Narendra Modi on Sunday extended warm birthday greetings to Andhra Pradesh Chief...