A·dokni MLA sakbri BJP-o napa

TURA: Meghalaya a·dokni MLA sakbri, Budbar salo, Bharatiya Janata Party (BJP)-o napangaha.
BJP-o napanggipa a·dokni MLA sakbriara, TMC-ni gitcham membor HM Shangpliang, Baghmara-ni MLA Samuel Sangma, Selsella-ni gitcham NPP MLA Ferlin CA Sangma aro Raksamgre-ni gitcham NPP MLA Benedic R Marak ong·a.
Ia sakbri MLA-rangko Assam a·dokni Chief Minister aro NEDA-ni convenor Himanta Biswa Sarma, BJP-ona rimchaksoaha.
BJP-o napanggipa Mawsynram MLA HM Shangpliang, adita salrangna skangsan, All India Trinamool Congress (AITC)-oni ong·katahachim aro MLA sakgni, chong·motan Ferlin CA Sangma baksana Benedic Marak-ba adita salrangna skangsan, kamtangtangko wate NPP-oni ong·katahachim.
Baghmara-ni MLA Samuel Sangma-ba BJP-o napna skang Independent MLA ong·e, UDP-ni associate membor ong·skaahachim.
NPP, BJP aro UDP dolrang pilakan da·o dipet Meghalaya a·doko NPP-chi dilenggipa Meghalaya Democratic Alliance (MDA) sorkarini bak ong·skaengachim indiba re·baenggipa 2023 bilsini Assembly election-o ia dolrang pilakan an·tangari susaskana siengachim.