SWGH-ni General Observer, Police Observer sokbaa

AMPATI: Re·baenggipa February-ni 27 tariko Meghalaya Legislative Assembly-ni general election-ko ong·atengani gimin South West Garo Hills a·jana songe on·gimin general observer aro police observer, Sombar salo, Ampati-ona sokbaaha ine u·iataha.

South West Garo Hills a·jani general observer aro police observer-ko Ampati circuit house-o donenga ine u·iatengon, election-ni bidingo maikoba badi ka·na ba sing·na nanganirang donggenchimode ba  Model Code of Conduct (MCC)-ko pe·ani bidingo u·iatna nanganirang donggenchimode, General Observer Sanjeev Shrivastava, IAS-na 6009456119/9826051590 phone nombor-rangona ba [email protected].in  / generalobserver2023@gmail.com email address-ona aro Police Observer Dr Amit Kumar Jain, IPS-na 9931878761 phone nombor-ona ba [email protected] / police[email protected] emai address-ona u·iatna man·gen ine South West Garo Hills a·jani District Election Officer u·iataha.

Iana skang, South West Garo Hills a·jani Election Expenditure Observer (EEO) Sanjib Kumar Paul-ba re·anggipa January 31 tarikon Ampati-ona sokbaaha aro Election Expenditure-ni bidingo una maikoba u·iatna nanganirang donggenchimode uni 9477330432/6009428953 mobile nombor-rangona ba expenditureobserver2023@gmail.com email address-ona u·iatna man·gen.