SHILLONG: MDA Sorkarini develoment plans-o kangalrangna chanchianian pangnan skanggipa ong·a. NPP pangnan Meghalayani kangal-cholgrirangko ra·do-saldona kam ka·a ine NPP Secretary Bajop Pyngrope aganaha.
Chingni a·bachengatgipa FOCUS, FOCUS+, Mission Mode project-rang aro gipin programrangchi an·ching a·dokni kangal-cholgrirangko salchrona dakchakani ong·beaha. Bang·a manderangni chu·sokani aro ia scheme-rangni namgniko man·giparangni koborrang gnang, da·alo a·doko game cha·giparangni janggi tanganio tang·doaniko nike namen rasong chaa ineba ua aganaha.
Kangal-cholgrirangni namgnina NPP-ni welfare plan-rangko dakangkugen, aro ia chang party-ni manifesto-oba kangalrangni namgninan bang·ako segataha. Re·baenggipa election-na Party-ni gita “People’s Document, Vision 2023-28” ine tarigimin National People’s Party-ni manifesto-ko re·anggipa February 4 tariko Jowai, West Jainita Hills-o mingsa tom·aniko ong·atao parakataha, Bajop aganaha.
“Kangal-cholgrirangko ra·dona gita batanggimin bilsi bongani gisepo NPP Sorkari bang·a scheme-rangko a·bachengataha. See rakkiani gitade, lak 3.1-na batpilgipa, a·doko game sue cha·giparang FOCUS aro FOCUS+-ni ning·o aro lak 1.5 game cha·giparang Mission Mode Project-rangni ning·o aro lak 1-na batpilgipa gipinrang dingtang dingtang cooperative-rangoniko dakchakanirangko man·aha ineba Bajop aganaha.
NPP, Mission Mode Project-rangko apalbatatna miksonenga. Game ge·e man·gimin bolam-biterangko tari tilonge pala botani biaprangkoba rike on·gen. Pala-botanio nanggipa nokrik-nokdakanirangkoba rike on·gen indake da·o donggipa Village Cooperative Society-rangko aro Collective Marketing Centre (CMCs)-rangkoba rike on·gen, unigisepon gama-ge·anio dakchakaniko on·na gita dingtangmancha Custom Hiring Center (CHCs)-rangkoba rike on·gen ineba NPP-ni manifesto-o janapaha ineba Bajop aganaha.
Kangalrangni namngina kam ka·anian NPP Manifesto-o mongsonggipa: Bajop
Date:
Share post:
