TURA: Re·baenggipa February-ni 27 tariko ong·atna sienggipa Meghalaya Legislative Assembly election-na dingtang dingtang political dolrang aro candidate-rang, campaign-rangko ka·chichatokengahaon Bristibar salo, National People’s Party (NPP)-ni national president Conrad K Sangma-ba, Rajabala, Bajengdoba aro Kharkutta constituency-ni NPP-ni candidate-rangna campaign ka·angtaiaha.
Rajabala constituency-o ua NPP-ni candidate Abdus Saleh-na, ia constituency-ni ning·o donggipa Takimagre songo campaign ka·angaha aro ia election-oba uamangni candidate-ko seokpiltaichina gita Rajabala constituency-ni manderangko didiangaha.
Bajengdoba constituency-oba NPP-ni national president, NPP-ni candidate Pongseng Marak-na Maodamgre songo campaign ka·angaha aro ia songo ua constituency-ni manderangna aganprakengon, a·dokni pilak kona noksikrangon namroro silroroaniko ra·bakuna gita NPP, a·dokni manderangna on·kange kamrangko ka·engkua ine mikkangchiba Bajengdoba constituency-o namroro silroroaniko ra·bakuna man·na gita NPP-ni candidate-ko seoktaichina manderangko didiangaha.
Kharkutta constituency-oba Conrad Sangma, NPP-ni candidate Rupert Momin-na Bagabatha songo campaign ka·angaha aro ia songoba ua NPP-ni candidate-ko seoktaipilchina gita constituency-ni manderangko didiangaha.
Rajabala, Bajengdoba aro Kharkutta-ni candidate-rangna Conrad campaign ka·anga
Date:
Share post: