TURA: Batanggimin bilsi bongani gisepo National People’s Party (NPP)-chi dilgipa sorkarini tangka paisarangko jakkalsretaniara a·songna sao nanganiko ra·baanisa ong·enga ine Sombar salo, Meghalaya Trinamool Congress (TMC)-ni dilgipa Mukul Sangma parakataha.
Sombar salo, North Garo Hills a·jani Kharkutta constituency-o TMC-ni candidate Cherak W Momin-na campaign ka·angengmiting somoio ua ia kattarangko aganaha.
“A·dokni namroro silroroanina on·enggipa tangka paisarangko jakkalsretaniara a·songna sao nanganiko ra·baani gitasa ong·enga aro an·ching iako pangnan gisik ra·na nanga,” ine Sangma aganaha.
NPP-ni kosako tangka paisa jakkalsretanina Meghalaya Democratic Alliance (MDA)-o bak ong·pagipa Bharatiya Janata Party (BJP)-ni matnanganirangko janapatengon, BJP-ba apsan sorkarini bak ong·paani gimin uamangni matnanganirangko bebera·na nanga aro BJP-koba apsan daken matnangna nangao ga·akenga ine TMC-ni dilgipa parakataha.
“NPP-ni dilanichi bilsi bongana sorkariko chalaianio BJP-ba sorkarini bakan ong·ani gimin NPP-ni kosako BJP-ni matnanganiko an·ching bebera·na nanga aro apsan daken BJP-koba iana matnangna nangao ga·aka. Ia dolrangni iandakgipa kamrangna sasti on·anide da·o manderangni jakonjok,” ine Sangma aganaha.
NPP-chi dilgipa sorkariko matnange aganangkuengon, Kharkutta constituency-osan ong·aigija a·dok gimikon dingtanganiko ra·bana gita TMC-ko seokna nangchongmotenga ine Sangma parakataha.
Tangka paisako jakkalsretaniara a·songna sao nanganiko ra·baani ong·a: Mukul
Date:
Share post:
