U·IATTIMGIPAONI
Tura: Niamgri bol cha·ue palako champengna kam ka·anio Garo Hills Autonomous District Council (GHADC)-ni official-rang, West Garo Hills (WGH)-ni Pulbari Range aro Selsella-ni FKJGP bakrime, March 24 tariko Dilnapara song sepangjoloniko bolsa pik-up gariko rim·aha. Ua gario bol cha·ue salangengachim.
GHADC official-ni parakatani gita, Sukrobar walni 10.15 bajio pic-up gariko dondipate sandiahaon, bol cha·ue donako nikna man·aha. Forest team aro NGO-ko nike ua pikup gariko salgipa sale katna jotton ka·ahachim.
Gari no. (AS 25EC 4397)-o dam rakgipa timber ba bol baksa team rim·aha. Indake ra·sekgipa gari aro bolko Phulbari range office-na pakwatataha.