TURA: An·tangna tikatgimin gital kamko jako ra·na gita Shillong songjinmaona re·angna skang, West Garo Hills a·jani Deputy Commissioner Swapnil Tembe, Budbar salo dingtangmancha Career Counselling-ko chatro chatrirangna Tura-ni District Auditorium-o ong·atangaha.
Ia program-ko West Garo Hills District Administration, Tura-ni District Planning Office baksa nangrime ong·atangaha.
Ia Career Counselling program-ko ong·atanio Deputy Commissioner, chatro chatrirangna aro program-o bak ra·gipa manderangna aganprakangengon, mandeni janggi tanganio kam ka·e cha·ani cholrangni bidingo talate on·angaha. An·tangtangni miksongenggipa kamrangko ka·na gita seng·gnangan an·tangtangko tarisamsochina aro an·tangtangna kamrangko basechina gitaba ua chatro chatrirangko didiangaha.
An·tangni cha·tote nikmangimin kamrangni gimin aganangengon, an·tangtangni ka·donganirangko aro skie ra·ani gunrangko namdapatchina aro mikkangchi an·tangtangni kam ka·e cha·ani cholrangko namdapatchina gita ua chatro chatrirangko didiangaha.
Ia program-ko ong·atanio Tura-ni Additional Deputy Commissioner aro District Planning Officer Winje RG Momin-ba dongpae jinmana aganprakangengon, chatro chatrirangni janggi tanganio kamrangko ka·e cha·na cholrangko mesokna aro an·tangtangni bewalrangko namdapatna gita ia career counselling program-ko ong·ataha ine parakataha.
Ia program-ko ong·atanio MSME-ni Assistant Director Nitesh Trivedi-ba jinmana aganprakangengon, chatro chatrirangna MSME-ni ning·o on·enggipa dingtang dingtang scheme aro cholrangni gimin agan-talate on·angskaaha.
Ia program-ko ong·atanio dongpae jinmana aganprakanggipa gipin manderangara, Shillong IHM-ni gitcham Principal aro Senior Consultant Dr Vijay Kumar, Tura-ni Employment Officer Tengchi Sangma aro gipinrang ong·a.
