SHILLONG: Comptroller and Auditor General (CAG) Audit report-o State finances ba a·dokni tangka-paisarangko jakkalani bidingo financial rule, procedure ba niamrangko ja·rikgijaniko nikna man·aha. Indake finance department-ko Government Bodies, Authorities, Autonomous Bodies aro PSU-rangko niamko ja·rioke somoi gita report-ko on·china agan-ku·pattiangaha.
CAG report-o janapani gita 2022 March 31 tarikona kror 2.373.52 -ni 307 UCs-ko submit ka·ja. UCs-ko somoi gita on·na man·janiara tangka paisako jakkalsretaninio kenani donga ba nakata. Uni gimin a·dok sorkari iani bidingo nirokna nanga, UC-ko Finance Department-na somoi gita on·na nanggipa ba daitoko jako ra·gipa mandeko sandia baksana Department-rangna on·gipa grant ba tangkarangko nipilna nanga ine sorkariko aganataha.
March 2022-ona kror 24.50-ni 35 DCC bill-rang outstanding ba on·kugijagiparang ong·a, bill-ko on·nanio ja·manchakbatgipa ba mongsonggipa Election Department ong·a, March 31, 2022-ona kror 3.25-ni AC bill-rangko on·kuja.
Bilsi 2021-22-o a·dok sorkari, kror 2,858.39-ko jakkalaha, under Minor Head 800, under 42 Revenue and Capital Major Heads of Accouts, ian chu·gimik Revenue and Capital Expenditure kror 16.372.02-ni 17.46 percent ong·a.
Annual accounts aro audit dongjani a·sel, dingtang dingtang bodies aro authorities-na on·gipa grant aro loan-rangko jakkalani bidingo name dake talna man·ja ine CAG report-o parakaha. “Ge 3 autonomous bodies, batanggimin bilsi 2016-17-onin uamangni annual account-ko on·kujaenga aro ADC-ni account-ba bilsi gni-dokrangonin on·kujaenga. Apsan daken September 30 2022-ona ge 20 working PSES-rangni accounts-ba dongkuja.
Bilsi 2021022-ni chu·gimik 35 arrears-ni accounts, Meghalaya Transport Corporation (MTC) aro Forest Development Corporation of Meghalaya Ltd.-ni bang·bate arrears dongenga. Iarangni bidingo ta·raken niatako nangenga.
Uandake report-o sorkarini tangka lak 113.87 tangkako cha·ua aro kragija jakkalani gimingba janapaha.
CAG, a·dok sorkariko Finance Department aro PAG (A&E)na somoi gita UC-ko on·china ge·etaha.
