RESUBELPARA: Budbar salo, North Garo Hills District School Education Office-ni gita District Level Science, Mathematics aro Environment Exhibition-ko chatro chatrirangna, Resubelpara-mi Dekachang Community Hall-o ong·atangaha.
Ia exhibition-ko ong·atanio North Garo Hills a·jani Additional Deputy Commissioner Nipon Hajong, mongsonggipa sokgipa ong·e jinmana aganprakangengon, Science-ni bewalrangko ja·rikchina gita chatro chatrirangko didiangaha.
Science, Mathematics aro Environment subject-rangni gimin tale ra·china gita chatro chatrirangko didiangengon, ia subject-rangan mandeni salanti janggi tanganio nangchakegiparang ong·e dingtang dingtang neng·nikanirangko namatani cholrangba ong·gen ine Hajong parakataha.
Poraianio namgipa aro ja·manchakenggipa chatro chatrirangko nienba, chatro chatrirangni skie ra·aniko namdapatna gita neng·nikanirangko namatchina gitaba ua skigiparangko didiangaha.
Ia exhibition-ko ong·atanio, gimik dam 12 skulrang bakko ra·e, Science, Mathematics aro Environment-ni model-rangko dake mesokangaha aro ia skulrangoni Kharkutta-ni Christ King Secondary School chegipa ong·aha.
Ia skulko da·o North Garo Hills a·jani pal state level exhibition-o bak ra·china watatskagnok.
