BAGHMARA: South Garo Hills a·jao dingtang dingtang department-ni ning·o ka·enggipa kamrangko Bristibar salo, Baghmara-ni MLA KR Marak, dingtang dingtang department-ni officer-rang baksa niangaha.
Ia project-rangko niangani somoio ua nangchakegipa officer-rang baksa agangrikenba, kamrangko somoi gita matchotatchina didiangaha.
Badiaba badiaba kamrangko ka·anio kamrang ka·sinengani giminba ua officer-rango sing·sandie ra·angaha aro kamrangko man·a dipet ta·rakatchina didiangaha.
Dingtang dingtang project-rangko nianganio Baghmara-ni MLA, da·o rikenggipa Police Welfare Project, Captain Williamson Memorial Government College, Baghmara Civil Hospital, PWD ramarang, PHE department-ni project-rang, Water Resources-ni project-rang aro uandakgipa gipin kamrangkoba niangaha.
