MBOSE porikkao nambatgipa chatro chatrirangko NPYE aro WWNPP mande ra·a

U·IATTIMGIPAONI
Shillong: 17 North Assembly Legislative Constituency-ni National People’s Party Youth Front (NPYF) aro Women’s Wing National People’s Party, Sonibar salo Academic Excelence Award 2023 baksa Meghalaya Board of School Education (MBOSE)-ni ia bilsio SSLC aro HSSCL porikkao nambatgipa sak 4 chatro chatrirangko mande ra·aha.
Mande ra·ako man·gipa chatro chatrirangara, Rishab Purkhayastha jean HSSLC (Science stream)-o skanggipa gadangko man·aha, Sangam Paul jean HSSLC (Science stream)-o 8-gipa gadangko man·aha, Tanushri Acharjee jean SSLC-o 3-gipa gadangko man·aha aro Isabella Mawlong jean SSLC-o 10-gipa gadangko man·aha.
Shillong Club hall-o mande ra·aniko dakmiting somoio award-rangko NPP 17-gipa North Shillong unit-ni president Ransom Sutnga-ni jakchi on·angaha.
“Dingtanganina agent ong·na” ia pangchakaniko done leadership seminar-ko ong·ataha.
Ministry Director-Communication and Training of Life Focus Society, Lynnete Johnson seminar-ni mongsonggipa speaker ong·e bakko ra·angaha.sang