SHILLONG: ‘Amrit Bharat Station’-ni bako, a·doko ge·samangmang railway station donggipa Mendipathar railway station-ko Northeast Frontier Railways (NFR) taridapangtaigen.
Robibar salo Amrit Bharat Station Scheme-ni ning·o NFR gimikni ge-56 station-rangko namdapatangpilna Prime Minister Narendra Modi video gita pangchakani ro·ongrangko songangaha.
NFR-ni dam-56-oni, Assam a·doko dam-32 station-rangko namdapatangpilgen. Gipin station-rangara, Tripura-o dam-3, West Bengal-o dam-16 station-rang, Bihar-o dam-3 aro Nagaland aro Meghalay a·dokrango damprak station-ko taridapangtaigen.
Dam 56 station-rnagko taridapangpilna chu·gimik tangka kror 1960-ko jakkalanggen. Dal·dalgipa station-rango, Assam a·dokni Narangi, Jagiroad, Dibrugarh, Sibsagar jillarang; Udaipur, Dharmanagar, Tripura-ni Kumarghat-o, Nagaland-ni Dimapur-o aro Meghalaya-ni Mendipathar-ko mitamrangko chanchapataha.
Rel garirangko jakkalenggiparangna nambatako ato tang·dodapaniko on·ang baksa Salgro Salaram a·dokrango rel-na rika choaniko chasong gitalna on·kangangna scheme-ni ning·o namroroatanggen.
