A·dokni SP-rangko sorkari kam apjitata

SHILLONG: Meghalaya a·dokni superintendent of police (SP)-ni gadango ong·enggipa police officer-rangko Sukrobar salo a·dok sorkari, kam apjitataha.

Home department-oni u·iatani gitade, West Garo Hills a·jani SP Vivekanda Singh Rathore-ko 3^rd MLA Bn-ni Commandant-ona apjitataha aro North Garo Hills a·jani SP Shailendra Bamaniya-koba South Garo Hills a·jani SP dake ra·jitangskaaha.

Shillong-o Traffic-ni SP ong·enggipa Dr Dara Aswaghosh-ko Goeragre-o donggipa 2^nd MLP Bn-ni Commandant ong·e kam ra·jitataha aro 3^rd MLA Bn-ni Commandant Kamakhya Prasad-ko Shillong-o Traffic-ni SP ong·e ra·jitatskaaha.

South Garo Hills a·jani SP Abraham T Sangma-ko da·o West Garo Hills a·jani SP ong·e ra·jitbaskaaha aro Goeragre-o donggipa 2^nd MLP Bn-ni Commandant Bruno A Sangma-ko North Garo Hills a·jani SP ong·e ra·jitangskaaha.