Shillong: University-ni vice chancellor Prabha Shankar Shukla-ni NEP 2020-ko ra·gatna miksonganiko chu·sokatna stakeholder-rang baksa mongsongbate MCTA baksa tom·aniko ong·atna chu·sokjaengani gimin HYC aro NEHUSU, Robibar salo suk ong·gijako parakataha.
VC, NEP-ni bidingo stakeholder-rang baksa tom·bimonge agangrikna miksongaoniko chu·sokatna tikkelgijaniko nike HYC president Robertjune Kharjahrin suk ong·jae, indine aganaha, “Prof Shukla, Independence Day-na skang meeting tom·gen ine koborna parakatahachim, indiba da·onan maming kobor dongja.”
“HYC aro NEHUSU-ni agan-ku·pattia gitan stakeholder-rang baksa meeting tom·na Shukla aganahachim indiba da·ode VC, an·tangan iana gisik nangjaengjokkon, ine Kharjahrin aganaha.
NEP 2020-ko ra·gatna miksonganiko chu·sokatna adita ra·bianirang sokaniko namatna teacher association baksa agangrikna nangnikaniko Shukla aganahachim.
Jeba ong·bo chinga iani bidingo tom·tome dongjaijawa, VC, teacher association-ko mande ra·ja ba dal·nikja ong·ode, ian college-rango nangchakegen, iako chinga nie dongskajawa ine HYC president aganaha.
Indakmitingo NEHUSU-ni finance secretary, Mandor B Diengdoh Swer, “VC an·tangni agangipa kattakon dal·e ba gamchate ra·ja, indakgipa mandeko chinga maiko agankugen, aro maio pangchake ka·donggen, ine aganaha.
Indiba chinga VC, an·tangni ku·chakatangko chu·sokatna jotton ka·naba donga ine ka·dongenga. VC, gimik stakeholder aro a·dok sorkari baksa August 14 tariko tom·e chanchirimna parakahachim.
NEHUSU aro HYC, August 1 tariko NEHU-ni Vice Chancellor-ko NEP-o neng·nikanirangko namatna gimik stakeholder ba daitoko jako ra·e kam ka·giparang baksa agangrikna agan-ku·pattiahachim.
“MCTA, undergraduate student-rangni first semester class-ko ra·na dontongatna tik ka·aha. Chinga student-rangni duk chakako nina sikja, uni gimin VC-ko teacher association baksa agangrikchina mol·molata, ine Swer aganaha.
NEHU VC-ni teacher association-ko agangrikna okamjanina HYC, NEHUSU suk ong·ja
Date:
Share post:
