U·IATTIMGIPAONI
SHILLONG: Adita somoi-na jaja jiji ong·e name dake chanchibewalani ja·man St. Anthony’s College, poraigiparangni ma·a-paa aro jinma mande-rangoniko sinjetaniko man·ani ja·man National Education Policy 2020-ko ra·gataha.
Bang·a deficit college-rangba August ja 1 tarikoni NEP-ko ra·gataha, St. Anthony’sy College-ni management, sengna tik ka·ahachim.
St. Anthony College-ni principal Br. Albert Longley Dkhar, kobor ra·timgipa-rang baksa agangrikmitingo indine aganaha, “poraigipa bi·sarangni ma·a-paarang-oni aro jinma manderango-niko sinjetaniko man·ani gimin August 16 tarikoni NEP-ko ra·gataha.
August 1 tarikonin ra·gat-nade miksongachim indiba gitcham management-ni tarisoa dongkuja inani gimin ra·gatna man·jaha.
North Eastern Hill University (NEHU)-ni ge·etani gitan chinga ja·rikenga, indiba indiba July 12 tariko on·gipa notification name dake taljani gimin neng·nikaha,” ine Br. Albert aganaha.
“Chingo sak 100 baten deficit teacher-rang donga, indiba MCTA teacher-rang, uamangni central body-oniko gitcham syllabus gitan class-rangko ra·china ge·etaniko man·soaha.”
Indiba MCTA, NEP-ko ra·gatani kosako ong·ja ine aganskaenga.