U·IATTIMGIPAONI
SHILLONG: India-ni bimingko mingjitani bidingo da·o ong·enggipa matnangani kattarang opposition-ko dilsretna political kal·gipa ong·a ine NPP-ni State president aro Rajya Sabha MP Dr WR Kharkukhi agan-talatangaha.
Indakgipa political kal·anirang pangnan election ong·na skang ong·ronga aro Prime Minister Narendra Modi political-na tik ong·e kam ka·na changgipa ong·a aro uni kal·susaaniko maidake kal·na nanga ua ma·sia, ine Dr WR Kharlukhi aganaha.
Mijamangmang Parliament session-ko ong·atmitingo UCC nakatani bidingo minggipin political chipakore satpakangaha indiba mamingba ong·angjaha ine ua aganangaha.
BJP dol ong·gijagipa alliance, mijamangmang Indian National Development Inclusive Alliance (INDIA)-ko bikote ku·cholsan ong·e re·baenggipa general election-o Modi-ni NDA sorkariko be·atna ra·baaha, ineba ua janapataha.
Alliance-ni bikotani ja·man ta·raken BJP India-ko Bharat ine mingangna a·bachengaha aro da·o ta·raken ma·mong sorkari India-ko Bharat ine mingangnaba donggnok ine janapataha.
