U·IATTIMGIPOAONI
TURA: West Garo Hills a·jolni Rajabala Higher Secondary School aro Bhaibari Higher Secondary School ge·gni skulrangna recruitment ka·na advertisement on·gipa dilsretani ong·enga ine matnange AMMSU, Central Executive Committee-chi dilenggipa Garo Hills-ni a·kawejolo skigipani kamna galgipa candidate-rang, Shillong-o Director of School Education aro Literary (DSEL)-na badi ka·doataha.
Uamangni matnanganirang gita advertisement-ko school-ni notice board-o August 23-o aro September 4-o on·aha.
“Notification of the Education Department, dated:1″ july 2020 vide-ni. Letter No. EDN.190/2011/Pt/333-ni gita, school-ni pilak category-rango lower class 1-oni class VIII-o vacant post-na recruitment-na MTET pass ka·na nangchongmota ine janapaha. Indiba West Garo Hills DSEO-ni ning·o Deficit school-rang advertisement-o janapgimin gita niamrangko ja·rikaha aro elementary section (I-VIII) ba Secondary Section-ni ning·o vacant post donga ba dongjakoba janapjaha,” badi ka·gipao janapaha.
“Rajabala Higher Secondary School-ni on·gipa advertisement-o N.C.T.E Guideline-ni gita secondary section-o Assistant Teacher-na E.Ed ong·an baksana Graduate aro Assamese (MIL)-o Major ong·gipa nanga ine janapaha. Aroba Meghalaya-o secondary gadango subject teacher-na dingtangmancha chama donga,” uamang agandapaha.
Uamangni badi ka·anirango ua obostako niatchina uamang official-ko didie ua school ge·gnini advertisement on·giparangko den·galchina aroba appoint-o janapgijagipa qualified ong·gipa candidate-rangko rakkichina department-ni 2020 July 1-ni vide EDN.190/2011/Pt./333-ko u·iatani ja·mano pilak appoint-rangko talate on·aniko uamang amaha.