U·IATTIMGIPAONI
Shillong: Disaster response mechanism-ko bilakate ong·telaigipa a·selrango bang·a manderangni janggi gimaaaniko champengna miksonganio National Institute of Disaster Management (NIDM), Ministry of Home Affairs, Government of India, Meghalaya State Disaster Management Authority (MSDMA) aro Meghalaya Administrative Training Institute (MATI) baksa bakrime MATI Shillong-o salbrina Incident Response System (IRS): Basic & Intermediate programko ong·ataha.
Trainingk-o district disaster management authorities-ni officer-rang, a·dok sorkari department-ni officer-rang, Meghalaya Police aro gipin stakeholder-rangoni representative-rang bakko ra·angaha.
Revenue and Disaster Management Department-ni Secretary aro Executive Director, State Disaster Management Authority, Meghalaya, Smti. M War Nongbri, programo bakko ra·e aganprakatmitingo ‘India batanggimin sal somoirangonin disaster ba ong·telaigipa a·selrangko name dake nirokanio chu·sokenga. Beben adita namdapatanirangko nangenga. Da·oni somoio response team, rakbate aro seng·bate kam ka·na nangenga’ ine aganaha.
Shri. Shekher Chaturvedi, Asstt. Professor, Division of Disaster Response & Recovery, NIDM, Delhi, training programni gimin talataniko on·ataon, indine aganaha, ‘ia training-ko theoretical aro practical exercise-ko donaha, jean dingtang dingtang tactical operation-o dakchakbegipa ong·gen. Iarangna agreba line department-na uamangni officerr-angko skie on·na cholko on·gen. Meghalaya mega mock drill-ko October jao ong·aten. Ia training-o officer-rangni ja·rikna nanggipa daito aro kamrangko talatgen.
Training programo Mr. Chaturvedi baksa Centre of Mass Congretation & Transport related Disasters, Division of Disaster Response & Recovery, NIDM Delhi-ni chadamber professional Mr. Arun Verma bak ra·angpaha.