U·IATTIMGIPAONI
SHILLONG: Meghalaya a·doko a·dok sorkarini on·gimin niamrango pangchake koelarangko bikotna gita gimik sak 32 manderang, licence-na dorgastorangko galaha.
Ia sing·aniko Assembly-ni Autumn Session-o jako ra·na man·jahani gimin iako a·dokni Chief Minister Conrad K Sangma parakatskaaha.
Meghalaya a·doko sorkarini dongimin niamrango pangchake koelarangko bikotna gita gimik sak 32 manderang, dorgastorangko galaha aro ia sak 32-oni sak 17-de ma·mong sorkarini ra·chakaniko man·e, mining lease-rangko ra·na skang geological report-rangko tarina cholrangko niengaha ine Chief Minister parakataha.
Chief Minister-ni parakatani gitade, ma·mong sorkarini ra·chakgipa sak 17 manderangoni sakbride geological report-rangko on·ani ja·man mining lease-na ma·mong sorkarini ra·chakaniko man·e, Mining Plan-rangkoba matchotmanaha aro ia Mining Plan-rangko approve ka·china gitasa sengengaha.
Sak 32 manderangoni sak 15-de licence-ko bi·na gita ma·mong sorkarini ra·chakaniko nangskakuenga ineba Chief Minister parakataha.