U·IATTIMGIPAONI
SHILLONG: Meghalaya Shillong songjinmaona dingtang dingtang biap-rangoni sokbagipa tourist ba songregiparang re·baon, songjinmao donggipa Wards Lake-ona rona re·toka, uni gimin sorkari ia Lake-ko nitobatatna miksongenga.
Sorkari, adita salrang skangsan Wards Lake-ni Beautifiction project ba Lake-ko nitobatatna tarina gita tender-ko galaha. Ia beautification project-na sorkari lak 99 tangkako koros ka·na tik ka·aha.
Ia Lake-ko Pollock’s Lake (Nan Polok) ineba minga, jekon jakgittelna skangan mingsinggipa engineer tariaha. Ian bilsi 100 gapengjok. Ia Lake-ko rikna ba tarina Assam-ni gitcham Chief Commisisoner Sir William Ward, plan ka·aha. Indake bilsi 1894-o Colonel Hopkins ia lake tariaha.