Rongjeng Stadium-ko rikna pangchakaniko songa
U·IATTIMGIPAONI
TURA: 2018 bilsioni batanggimin bilsi bongani gisepo NPP-chi dilenggipa MDA sorkari, gong kror 400-na baten kal·chakram biaprangko taridape, kal·susaanirangko namdapatna gita koros ka·aha ine Bristibar salo, Rongjeng Stadium-ko rikna gita pangchakaniko songe on·angani somoio a·dokni Chief Minister Conrad K Sangma parakataha.
Chief Minister-ni parakatani gitade, Meghalaya a·dokni bilsi 50 gapanio 2018 bilsiona kingkingan kal·susaanirangna indita tangka paisarangko koros ka·a dongkujachim indiba uni sorkari, bilsi bongani gisepon, a·dokni dingtang dingtang biaprango donggipa kal·chakram biaprangko taridapna gita gong kror 400-na baten tangka paisarangko koros ka·aha.
Re·baenggipa bilsi bongani gisepo a·dokni dingtang dingtang biaprango donggipa kal·chakram biaprangko tarina gita sorkari, gong crore 1000-mangko koros ka·angkugen ineba Chief Minister parakataha.
A·dokni dam 25 robol kal·chakram biaprangko ‘artificial turf’-rangchi taridapna gita sorkari miksongenga ine janapatengon, “Meghalaya a·dokko man·chengaoni 2018 bilsiona kingkingan a·doko kal·susaanirangko namdapatna gita indita tangka paisarangko koros ka·a dongkujachim indiba MDA sorkari, a·doko kal·susana changgipa manderangni bang·aniko nike, kal·susaanirangko namdapatna gita dingtang dingtang program-rangko a·bachengataha,” ine Sangma aganaha.
Sorkarini ra·gatgipa dingtang dingtang kal·susaani program-rangoniko chadamberang namgnirangko man·china gita sorkari, dingtang dingtang kal·susaanirangko namdapatna jotton ka·enga ineba Chief Minister parakataha.
Ia 2023 bilsini Meghalaya Games-ko Tura-o sokachakgen aro ia kal·susaanio a·dok gimikoni sak 3000-na baten kal·susagiparang bakko ra·anggen ineba Chief Minister parakataha.
Rongjeng Stadium-ko rikna gita sorkari, gong crore 9.25-ko hisape donmanaha aro iano robol kal·chakani baksana manderangna gallery-rangkoba tarina sienga ine u·iataha.
Ia Rongjeng Stadium-na pangchakaniko songe on·anganio dongpae bakko ra·anggipa gipin manderangara, a·dokni Sports Minister Shakliar Warjri, Rongjeng-ni MLA Jim Sangma, Kharkutta-ni MLA Rupert Momin aro gipinrang ong·a