Agriculture & Farmers Welfare Minister Dr. Ampareen Lyngdoh North Garo Hills-ona wenanga

U·IATTIMGIPAONI SHILLONG: 37-Kharkutta-ni MLA Rupert Momin-ni re·chapangpanichi Minister of Agriculture & Farmers Welfare Dr. M Ampareen Lyngdoh, North Garo Hills-ko wenangaha. On·enggipa cholrangko man·atna aro kam ka·anga gimiko niangna wenangaha jedakode senggnangan game ge·e cha·enggiparang namgnirangko man·anggen. RIDF-ni ning·o chalaienggipao Black Pepper aro Khasi Mandarin Nursery aro Gerbera poly nokni agricultural Sarangma Horti Hub bang·a beneficiary-rangoniko namnamgipa aganchakatanirangko man·soangaha. Sambrak-ni Integrated Bee Development Centre (IBDC)-o training, processing, testing aro bija bitchioni bosturangko ong·katatna bija donchakgipa box-rangko tariangna cholrangko on·angenga. Re·baenggipa jarango department centre-ko chu·gimik chalaiangna tarianggen. Minister Sambrak farm-onaba wenangaha jeon chalaiangna man·jani a·sel GVK project kan·dikgipa ong·aha