Monday, February 26, 2024

ASHA worker-rangni man·gniko bariatchina dabie jingjengatna tik ka·a

Date:

Share post:

spot_img

 

U·IATTIMGIPAONI

SHILLONG: Meghalaya a·doko ASHA worker-rangni dormahako bariatchina dabianiko sorkari knachakna gisiko nangjaengani gimin sorkarini kosako jegale, dontonggija jingjengatanirangko dakna gita Meghalaya ASHA Workers Union tik ka·angaha.

ASHA worker-rangara village council-rangni nirokanio an·tangtang dangdike on·giparangsa ong·a aro ASHA-rangna batanggimin somoirango nanga gita man·gnirangko on·aha ine Sombar salo, a·dokni Health Minister Ampareen Lyngdoh-ni parakatani ja·man, ASHA worker-rang sorkarini kosako jingjengatanirangko dakna tik ka·angaha.

Iani bidingo kobor ra·timgiparangna talate on·angengon, ASHA-rangni dabianiko chu·sokate on·jaskal uamang dontonggija jingjengatanirangko dakna tik ka·aha ine ASHA Workers Union-ni president Marajune Myrsing parakataha.

Myrsing-ni aganani gitade, ASHA-rangni man·gniko japrako gong 2000-oniko gong 5000-ona bariatchina gitasa uamang dabiengachim indiba sorkari, uamangni dabianiko chu·sokatna sikjaengachim.

“Chingna japrako on·enggipa gong 2000/- dormahako gong 5000-ona bariatchinasa chinga dabiengachim indiba sorkari chingni dabianiko knachakjaengani gimin chinga dontonggija jingjengatna tik ka·aha. National Health Mission-onikoba chinga tik ka·gimin dormahakode man·jaenga indiba bang·a bang·ja man·gnirangkosan man·paenga,” ine Myrsing talataniko on·angaha.

Sorkari uamangko agangrikna okamode uamang agangrikna kusi ong·aigen ine janapatengon, ASHA-rang kam dontongatahaode manderangna sanna bananirangko on·ani aro dingtang dingtang kamrang, jekai birth aro death certificate-rangko on·anirangoba neng·nikanirangko chagrongna nanggen ine ASHA workers union-ni advisor Sonny Kharjana mikrakataniko on·angskaaha.

spot_img

Related articles

Miscreants hurl petrol bomb at residential area in Umsning

From Our Correspondent NONGPOH, Feb 25: A petrol bomb was hurled at a residential area in Umsning Patarim, Ri-Bhoi,...

History razed to the ground: A painful saga

Editor, Apropos the news of the devastating fire at the premises of the Shillong Bar Association, it was an...

Inferno devours a piece of history

The inferno that gutted the building that houses the Shillong Bar Association is like a part of a...

CUBs: The neglected vehicle of economic growth in the state

By H H Mohrmen The two major challenges that government departments and agencies face in improving the economic conditions...