U·IATTIMGIPAONI
Shillong: Leader of Opposition (LoP) Ronnie V Lyngodh a·dok sorkarini ja·manchakanina mat-nangata ong·srangja ine UDP vice president, PT Sawkmie Sonibar salo aganangaha.
Sawkmie jean gitcham MLA ong·a ua indake aganangaha, kakketni bidingo LoP gualna nangja jekon aganode Congress party a·dok sorkariko bilsi 40-na bate sason ka·ang-aha. Uni parakatani gitade, a·dokni namroroani ja·-manchakanina Congress-ko matnangna nanga.
Da·o ong·enggipa sor-karini adita chu·sokatani bidingo ua kan·dike aganangaha, ia sorkari a·dok gimiko dingtang dingtang rama project-rangko chu·sokataha. Opposition Congress jotton ka·anina aro a·bachenga-tanirangna de·mittelna nanga jekon da·o rikeng-gipa sorkari Chief Minister Conrad K Sangma aro Deputy Chief Minister Prestone Tynsong-ni dilani ning·o pilak kamrangko chu·soka-tangenganina ine UDP-ni Vice-President aganaha. A·dokni mong-songgipa bang·a project-rangko chu·sokatna sorkari baksa ku·cholsan kamko ka·na ua songpanggipa-rangko aro pressure group-rangko mol·molaha. Ku·-cholsan kam ka·jaode pro-ject-rangko chu·sokatna man·jawa ua aganaha.