U·IATTIMGIPAONI
TURA: South West Garo Hills a·jao Mahendraganj jillani ning·o donggipa Modalpara VEC-ni secretary saksa, Swachh Bharat Mission-ni latrine-ko rikna gita songni manderangoniko aro job card holder-rangoniko ku·mitdu ra·aha ine songni manderang matnangataha.
Koborko on·ani gitade, Modalpara VEC-ni secretary Mohamud Ali, ia latrine-ko rikna gita songni manderangoniko aro job card holder-rangoniko gong 500 ka·e ku·mitdu ra·aha aro iani bidingo songni manderang, South West Garo Hills a·jani Deputy Commissioner-na badi ka·doangaha.
Modalpara VEC-ni secretary-ara medical department-o kam ka·enggipa mandesa ong·achim ine janapatengon, ia mande Swachh Bharat Mission-ni ning·o sanitary latrine-rangko rikna gita songni mande sakprakoniko aro job card holder-rangonikoba gong 500 ka·e ku·mitdu ra·an baksana je manderangan ku·mitdu on·na jechakengachim, uamangnade ia sanitary latrine-ni namgnirangko on·na gitaba ua jechakaha ine songni manderang parakataha.’
Indake ong·engon, VEC-ni project-rangko kam ka·na gita ia secretary, job card holder-rangoniko tangka paisarangko gile ra·enga ineba songni manderang, Deputy Commissioner-na badi ka·doangaha.