Bostu salgipa rel garirangde a·dokni manderangnan namgni ong·gen: UDP

SHILLONG: Meghalaya a·dokona rel gari ra·baaniko dingtang dingtang dolrang jegalsotokengon, a·dokona bostu salgipa rel garirangko ra·bana man·genchimode uan a·doko songdongenggipa manderangnan namgni ong·gen ine bostu salgipa rel garirangkode ra·baaichina United Democratic Party (UDP), a·dok sorkariko didiataha.
“An·ching gimikankode jegale dongna man·jawa aro chinga bostu salgipa rel garirangkode nangnikenga. A·doko songdongenggipa manderangna mai nambatgen ukoba an·ching nina gita nanggen maina re·a doani kolrangko namdapatanichi an·ching songni nokni manderangna bading chiwale cha·anio bang·en namgnirangko ra·bana man·gen,” ine UDP-ni general secretary Jemino Mawthoh, a·dokona rel gari ra·baaniko dingtang dingtang dolrangni jegaltokengani gimin aganaha.
Bostu salgipa rel garirangkode ra·chakchina gita ua dingtang dingtang NGO-rangkoba didiataha.
“An·ching pilakan bostu salgipa rel garirangkode ra·chakna nanga. An·chingo re·a doani kolrangko bang·en namdapatna nangenga maina re·a doani kolrangko namdapatanichi an·ching a·doko songdongenggipa manderangni janggi tanganikoba tang·doatna man·gen,” ine Mawthoh aganaha.
A·gilsak gimikon aro a·songni pilak biaprangoba rama jal·langrangchi nangdimeataniko man·engon, iandakgipa re·a doani kolrangoniko Meghalaya a·dokba apsan daken namgnirangko man·na nanga ineba UDP-ni general secretary aganaha.
“A·dokona bostu salgipa rel garirangko ra·bachina a·bachengonin chinga nangnikenga aro ian a·doko songdongenggipa manderangna namgni ong·na siengani gimin an·ching bostu salgipa rel garirangko ra·napbana on·na nanga,” ine ua aganaha.
Manderangko salruragipa rel garirangni gimin janapatskaengon, “Mande salgipa rel garirangko ra·baani giminde chinga chanchia dongkuja. An·ching ka·sinsin ja·kurangko de·aina maina bostu salgipa rel garirangko ra·bana man·genchimode an·ching bang·a namgnirangko man·gen,” ine Mawthoh aganaha.
A·doko namroro silroroaniko nangnikenga ong·ode re·a doani kolrang, jekai rel garirangko ra·baani bidingo name chanchina nanggen ineba UDP-ni general secretary aro Planning department-ni adviser aganaha.
“Bostu salgipa rel garirangko ra·baanichide mamingba ong·jawa aro ia pilak dolrangan ma·sienga. A·doko aro a·palrangoba bostu salruraani korosrangko chanchie nibo, unode an·ching pilakan bostu salgipa rel garirangko ra·chakna kusi ong·aigen,” ine Mawthoh aganaha.
Meghalaya a·dokona rel garirangko ra·napbagenchimode niam gri napsrukanirangko champengna man·jawa ine dingtang dingtang dolrang, mongsongbate Khasi aro Jaintia Hills a·jarango rel gari ra·baaniko raken jegalsotokengachim ine nikna man·a.