SHILLONG: Ma·mongo Bharatiya Janata Party (BJP)-ko dilenggiparang nangnikgenchimode, ia bilsini Lok Sabha election-o Tura Parliamentary constituency-oni susagen ine Tura-ni MDC aro Meghalaya BJP-ni state vice president Bernard N Marak parakataha.
“Da·o dipet chinga candidate-rangko seokkuja indiba ma·mongo dilgiparangni ge·etanio pangchake chinga kamrangko ka·soengaha. Tura Lok Sabha seat-o BJP-ni candidate ong·e susana sikenggipa adita sak manderang gnang aro angaba uamangoni saksa ong·a,” ine Marak parakataha.
“Tura parliamentary constituency-o susana gita angko ma·mongni dilgiparang kranikgenchimode anga BJP-ni pal susagen,” ineba ua aganaha.
2023 bilsini Assembly election-oba Marak, South Tura constituency-oni a·dokni Chief Minister Conrad K Sangma baksa susagrikahachim indiba chu·sokgipa ong·na man·jahachim.
BJP-ni candidate-rangko parakani gimin sing·anina aganchakaniko on·angengon, “Da·o dipet chinga candidate-ko parakani giminde aganna man·kujawa maina chingo da·o a·dokni gital president dongaha aro chinga kamrangko president-ni bewalosa ka·a. Gital president-ko seokon pilak committee-rangkon bon·ate gitalko songtaina gita nanga aro party-ni ge·etanio pangchake state aro district level-o da·o chinga dolrangko songenga,” ine Marak aganaha.
Candidate-rang election-na campaign ka·na gita chu·onge somoirangko man·na gita candidate-rangni bimingko seng·gnangan parakna nanga ine BJP MLA saksani agangipani bidingo sing·on, “Anga an·tangde ma·mongni scheme-rangko niroke pilak biaprangon kamrangko ka·engani gimin songadam nokadamrango donggipa manderang baksaba kobor ra·grikronggipa ong·a. Election-ni somoio campaign ka·anikosan nanga indake ong·ja indiba manderang baksa kamrangchi nangrimanikoba nanga aro da·alo chinga manderang baksa kamko ka·enggiparang ong·e dolrangko bilakbatatna man·enga,” ine Tura MDC aganaha.
BJP-ni dilgiparang nangnikode Tura Lok Sabha seat-o susagen: Bernard
Date:
Share post:
