Monday, April 22, 2024
spot_img

Scholarship-ko mikkang antion chatro chatrirangna sokatna jotton ka·gen: Rakkam

Date:

Share post:

spot_img
spot_img

Scholarship-ni gnigipa instalment-ko ma·mong sorkari watata

SHILLONG: Scheduled Tribe (ST) chatro chatrirangna 2022-23 bilsini Post Matric Scholarship-ko man·tokkujaengani a·sel chatro chatrirang neng·nikanirangko chagrongna nangtokengon, ia scholarship-ni gnigipa instalment-ko ma·mong sorkari Sukrobar salo watataha aro ian chatro chatrirangna rang·speaniko ra·baani gita ong·aha.

Iani bidingo kobor ra·timgiparangna u·iataniko on·atengon, Post Matric Scholarship-ni gnigipa instalment-ko India sorkarini Finance Ministry-oniko man·soaha ine Sukrobar salo, a·dokni Education Minister Rakkam A Sangma parakataha.

Scholarship-ni gnigipa instalment-ko man·soahani gimin da·o a·dokni Education department, nanga kamrangko ka·engaha ine janapatengon, chatro chatrirangna scholarship-rangko mikkang antini gisepon on·na man·na gita sorkari jotton ka·enga ine Sangma parakataha.

Meghalaya a·doko post matric scholarship-ko man·enggipa ST chatro chatrirang gimik sak 67,000 donga aro sak 37,000 chatro chatrirangde skanggipa instalment-oniko man·ahani gimin da·o sak 30,000 chatro chatrirang, ia gnigipa instalment-niko man·skagnok.

Education Minister-ni parakatani gitade, Post Matric Scholarship-ni gnigipa instalment-o gimik gong kror 41, lak 25 tangkarangko a·dok sorkari, Finance Ministry-oniko man·soaha.

2022-23 bilsini Post Matric Scholarship-na gnigipa instalment-ko watatahani gimin ma·mong sorkariko mittelpilangengon, ia scholarship-ni tangkarangko an·tangtangni poraiani kamrangnasa jakkalchina aro skatang koros ka·jachina gita Education Minister, chatro chatrirangko didiataha.

2022-23 bilsini Post Matric Scholarship-rangko chatro chatrirang da·onan man·tokkujaengani gimin dingtang dingtang dolrang, a·dok sorkariko matnangtokengachim ine nikna man·a.

spot_img
spot_img

Related articles

Need more clarity in rules: RCB’s Topley

Kolkata, April 21: Virat Kohli’s controversial dismissal has compounded the struggling Royal Challengers Bengaluru’s woes, and their left-arm...

Virat, myself thought ball was higher than waist: Du Plessis

Kolkata, Apr 21: Royal Challengers Bengaluru skipper Faf du Plessis on Sunday expressed his disagreement with the decision...

Shillong Jottings

  To give alms but differently... You're strolling in Khyndai Lad, and out of nowhere, destitute children, with their eyes...

News Capsule

Condolence The Bharatiya Gorkha Parisangh Meghalaya and Gorkha Association on Saturday organised a condolence meeting at Upper Mawprem in...