Friday, July 11, 2025
spot_img

Tura-ni Raj Bhavan-ko a·dokni Guv, video conference gita nokdonggae on·a

Date:

Share post:

spot_imgspot_img

TURA: Ru·utbea bilsirangna manderangna nisenge dongenggipa Tura-ni Raj Bhavan (Governor’s House)-ko Sukrobar salo, a·dokni Governor Phagu Chauhan, video conference gita nokdonggae on·ataha aro ia Raj Bhavan-ko nokdonggae on·anganio a·dokni Chief Minister Conrad K Sangma, Assembly-ni Speaker Thomas A Sangma, Tura-ni MP Agatha K Sangma, PHE Minister Marcuise N Marak, West Garo Hills a·jani Deputy Commissioner Jagdish Chelani aro gipinrangba dongpae bak ra·angtokaha.
Tura-ni Raj Bhavan aro Meghalaya a·dokni gnigipa Raj Bhavan-ko nokdonggae on·atanio, a·dokni Governor, video conferencing gita jinmana aganprakatengon, Tura-ni Raj Bhavan-ko matchotate on·aniara a·doko namroro silroroaniko ta·rakbatatna gita a·dok sorkarini on·kange kam ka·aniko mesokani ong·enga ine parakataha.
Garo Hills-ko matgrikrangni a·song ine Pa Togan Nengminjani gimin janapatengon, India a·songni salgro salaram jolrango namroro silroroaniko ra·bana rakbate kamrangko ka·engani gimin a·dokni Governor, a·songni Prime Minister Narendra Modi-chi dilenggipa ma·mong sorkarikoba mittelpilangaha.
Tura jillani Danakgre jolo rikgipa Raj Bhavan complex-ko acre 28.45 ong·gipa a·ao gong kror 24.1 korosrangchi rikaha aro ia biapo Governor-ni office baksana secretariat, conference hall, VVIP aro VIP guest house-rangkoba rikchapaha.
Ia Raj Bhavan-ko nokdonggae on·anganio a·dokni Chief Minister Conrad K Sangma-ba jinmana aganprakangengon, ia Raj Bhavan-ko matchotatna man·aniara a·doko songdongenggipa manderangni ku·cholsan ong·ani aro bakrimaniko mesokani ong·a ine parakataha.
“Da·alo ia Raj Bhavan nokdonggana man·ahani gimin anga namen kusi ong·a aro ia Raj Bhavan-ko nokdonggaanio chu·ongnikbatsranggipa bakara, adita salrangni gisepon an·chingni mande ra·na krabegipa a·songni President Droupadi Murmu, ia biapona re·bae ia Governor’s House-on dongchakna gita siengani ong·a. A·dokni itihaso skanggipa changna a·songni President Tura-ona re·baenga aro re·baenggipa antiara an·chingni a·dokna aro mongsongbate Tura aro Garo Hills-na dal·begipa pattiani ong·na sienga,” ine Sangma aganaha.
Tura-ni Raj Bhavan-ko rikna gita 2009 bilsio gong kror 5.48 korosrangchi rikna gita chanchiani ong·katchengahachim aro ia nokko bilsi gittamni gisepon matchotatna miksonganiba dongachim. Indake ong·genchimoba dingtang dingtang a·selrangchi ia Raj Bhavan-ko rikanio ja·manchakatako man·aha aro uandaken 2016 bilsio ia Raj Bhavan-na gital dake korosrangko hisaptaina nangahachim.

spot_imgspot_img

Related articles

22 Maoists, including eight females, surrender in Chhattisgarh

Raipur, July 11: In a significant development in Chhattisgarh's Narayanpur district, 22 Maoists laid down their arms on...

BJP looting land, forest, water: Rahul Gandhi at ‘save Constitution’ rally in Odisha

Bhubaneswar, July 11: Congress leader Rahul Gandhi on Friday targeted the BJP, alleging that the ruling party has...

Centre plans Rs 1,345 crore subsidy scheme to boost production of Rare Earth magnets

New Delhi, July 11: The Indian government has drawn up a scheme to offer subsidies to the tune...

We missed no targets in Pak, not even a glass pane broken in India: NSA Doval on Op Sindoor

New Delhi, July 11: National Security Advisor (NSA) Ajit Doval on Friday addressed the convocation ceremony at IIT...